CLICK HERE FOR BLOGGER TEMPLATES AND MYSPACE LAYOUTS »

الجمعة، 30 مايو 2008

فتاة تعشق القمر






كانت تعلم جيدا أنها خسرت كل شيء، فقد تحطمت أحلامها الوردية عند اول حاجز واقعي، فلقد سرق منها أجمل أيام عمرها ، ولم يتبق شيء من الأمل لديها، فالمسافات بينها وبينه تزداد يوما بعد يوم، فحبها له لم يعد إلا ورقة مطوية في أرشيف ذكرياتها المنسية، وقد استسلم قلبها لقسوة وجفاء البعد، و أصبحت أحزانها دميتها التي تسليها و تسنيها ألم الوحدة.

وذات يوم التقت بصديق قديم.. كان يحاول دائما الاقتراب منها والتعرف بها أكثر، كان زميل دراستها، وكان بينهما ود واحترام متبادل، كانت هي لا ترى فيه إلا صديقا.. اما هو فكان قلبه يخفق مع كل خطوة تخطوها، وكل كلمة تقولها، وكل رمشة بين جفني عينيها الجميلتين.. وكانت هي تلاحظ حبه.. لكن كبرياء الانثى كان يمنعها من مبادلته أي نوع من المشاعر.. فهي لا تريد ان تقع تحت سلطة قلبها من جديد.. ولن تقبل بحب من لم يطرق باب قلبها، ولم يحرك سكون المشاعرفيها، تلك المشاعرالتي ماتت في داخلها منذ زمن.

لكنه في ذلك الوقت كان يدخل شيئا من المرح والبهجة على حياتها، ويؤنس وحدتها برفقته ، فاصطحبها في ذلك اليوم إلى مقهى قريب، ولفت انتباهها تأنقه الزائد والبسمة التي ارتسمت على وجهه، فجلسا وتناولا أطراف الحديث، وبعدها أخرج من جيبه وردة وقدمها لها وقال بلطف وأدب زائدين: هل تقبلين بي زوجا؟......
فهزها وقع السؤال على مسمعها ، وتغيرت تعابير وجهها ، فقفزت أمام مخيلتها صورة حبها القديم، وكأن الحب الذي كان قد عاد يجري في عروقها، فتبعثرت أفكارها واضطربت مشاعرها، وكانها لم تعد تراه ولم تعد تسمعه، ثم حاولت ان تجمع قواها ، وأخذت نفسا عميقا ، ثم ردت عليه بهدوء : اعتذر منك علي ان اذهب الآن، وخرجت من المقهى بعد ان تركت له رسالة على الطاولة كتبت فيها: عذرا يا سيدي لا استطيع قبول طلبك، فكيف لمن يعشق القمر ان يرى النجوم؟

شهرزاد

33 التعليقات:

mostafa rayan يقول...

بصي هي القصة حلوة
بس انا رأيي انها بتعذب نفسها كدة
وبتعلق روحها بواحد نسيها
اعتقد كمان انه ضد تفكير المرأة التي عادة ماتظر للأمور نظرة واقعية
- تحياتي ليكي ولأسلوبك الجميل

عدنان أحمد يقول...

السلام عليكم
القصة قمة في الابداع
و لكني اؤيد الاخ مصطفى
في انها كدة بتعذب نفسها بنفسها
و لكن هذا الكلام ابدا لا ينقص من جمال القصة في شيء
و انا بعترف اني عشت مع كل حرف
اسلوبك في الكتابة جميل جدا ما شاء الله
و لكن حاولي إصقال تلك الموهبة بمداومة القراءة

تحياتي
عدنان

Razi Soliman يقول...

فكيف لمن يعشق القمر ان يرى النجوم؟


===================================
انا فى كلية علوم وعايز اسال كم سؤال درستهم فى الجامعه

1-ايهما اكبر فى الحجم واكثر ضوء ودفء الشمس ام القمر ؟؟؟؟؟؟؟

2-وايهما اكثر جمال وبريق ؟؟؟

3-وايهما متواجد معنا دائما الشمس ام القمر ؟؟؟

نمسك السؤال الاول :-

الشمس اكبر وهى اللى ضوئها اكبر وهى اللى بتمدنى بالحراره فى الشتاء والطاقه فى كل فصول السنه وحتى لما بنتألم من حرارتها فدا بيبقى لفتره قصيره ساعة الزروه بس .

السؤال التانى :-

الاكثر جمال وبريق الشمس يكفى ان فيها ساعتين بينسوا الواحد كل همومه ساعة الشروق والغروب لكن القمر بيبقى بدر لليله واحده طول الشهر .

السؤال التالت :-


الشمس متواجده معانا طول اليوم وكل يوم ولا بيحجبها لا سحاب ولا مطر ولا رياح وولو حصل لها كسوف فدا كل كام سنه ام القمر مش دايما بيبقى معانا وفى السنه الواحده بيحصله خسوف اكتر من مره .

بعد دا كله يبقى القمر مايدخلش مع الشمس فى مقارنه خالص لانه هايتظلم

ايه جاب الكلام دا كله هنا واه لزمته
اصل انا درست جيولوجيا القمر وعرفته على حقيقته
واهم حاجه ان الشمس نـــــــــجم يعنى لو انتى بتعشقى القمر فالنجم اكبر والمع من القمر وانا جبتلك الدليل فالشمس هى كمان نجم بس عرف الناس وفهمه الغلط بيقولوا ان القمر احسن من النجوم يمكن عشان هو اقرب
وهى دلوقتى صاحبة القصه دى بين اديها نجم يعنى قريب اوى منها وهاتخسر اكتر لو ضيعته من اديها وسهل اوى انها تغير وترجع فى كلامها بس هى تبطل كبرياء الانثى وهاتكسب نجم ويمكن النجم دا بيدور حوليها كواكب والكواكب بيدور حوليها اقمار
شوفى بقى هى هاتكسب اد ايه وكام قمر
الى اقرب لقاء
رازى

غير معرف يقول...

سيدي الهواري
إياك أن تقترب من النجوم
فهي مشتعلة وتحرق
ابقَ مع القمر بجماله وسكونه

جميلة القصة يا شهرزاد
فعلا من أحب بصدق
لا يمكن أن ينظر إلى غير حبيبه
تحياتي

Razi Soliman يقول...

بعد اذنك يا شهرزاد ممكن ارد على كلام
بهاء
فعلا من أحب بصدق
لا يمكن أن ينظر إلى غير حبيبه
تحياتي
================================
كلامك صيح ميه فى المية بس بشرط لما يكون حبيبها بجد مش راح ومشى وسابها وطالما فى حب جديد عنده استعداد انه يحميها ويقدرها يبقى مين يستهال الحبيب اللى غدر ومشى ولا اللى مستنى يدفع عمره عشان هى بس تقول ااااااااه
شكرا على تعليق على ردى
دمت بحب يا بهاء
رازى اسف على الاطالة

شهرزاد يقول...

مصطفى ريان
أهلا بك وشكرا على مرورك
بقالك فترة مش بشوف تعليقاتك
كلامك صحيح إنه يفترض انها نسيت الماضي
ولازم تكون واقعية أكثر
لكن الظاهر انها لم تجد فيها الرجل الذي يلمس قلبها ويرضي عقلها
تحياتي لك
.............

السيد عدنان
اهلا بك
سعدت بتعليقك الجميل
وأسعدني اكثر انك تفاعلت مع القصة
وأعدك بأن أدوام القراءة
فهي متعتي وهوايتي

وشكرا جزيلا لك

شهرزاد

شهرزاد يقول...

رازي
شكرا على هذا الرد الجامد جدا
وعلى هذا التحليل العلمي المتعمق لكل من القمر و الشمس والنجوم

لقد اتخذت ضد تلك المرأة موقفا هجوميا
واتخذت مع ذلك الرجل موقف المتعاطف المشفق
صحيح أن النجوم وفي مقدمتها الشمس لا حياة بدونها
فهي تشع الدفء والحرارة للكون
وصحيح ان ذلك الرجل قد أشعرها بدفئه وحرارته تجاهها
لكنها لا تستطيع التواصل والتعمق معه في العلاقة فهي تخشى أن تصيبها ضربة شمس
فيصيبها ارتفاع في الحرارة وبطء في دقات القلب
فأرادت أن تبقى هي في الظل لتحتمي من كل المضاعفات التي قد تؤثر على علاقتهما
وصحيح ان القمر يستمد نوره من الشمس
والتي هي من أكبر النجوم
لكنها وجدت شعاع نورالقمر يمتد ليخترق قلبها
ويمدها بالحب والعطف والسكينة
وصحيح انه لا يشع بكامل نوره طوال أيام الشهر
ولكنها أحبته لأنه يغيب فترة فيمتلأ فلبها بالشوق عند غيابه
وعندما يعود تعود إليه بلهفة العاشق المشتاق

وأرجوك لا تحكم على تلك المرأة من منطلق انك وضعت نفسك مكان ذلك الرجل فشعرت بالتعاطف معه
ولكن احكم عليها بمنطلق المرأة التي أحبت بقلبها قبل عقلها
والتي لا تستطيع ان تحب بعقلها قبل ان تشعر أن هناك تواصل بين قلبها وعقلها في قبول الرجل الذي تريد

شكرا جزيلا لك على هذا التفاعل الجميل مع القصة
وأرجو ان نبقى على تواصل
تحياتي لك

وبالنسبة لردك على بهاء
أنا مقتنعة بما قلت
أي انها يجب ان تنسى الماضي
وتنظر لمن امامها على انه الفرصة التي من الممكن أن تحميها وتحيطها بالحب بعد تجربة فاشلة
لكن من الممكن انها لم تجد فيه الرجل الذي يحيي مشاعرها من جديد.. أو ذلك الرجل الذي لم يدق له القلب من جديد
ممكن.. ولكن عليها الآن ان تعيد النظر
وان تدير الامور بعقلها فمن الممكن
ان ترى الامور بطريقة مختلفة..

بجد شكرا لك رازي
وتقبل تحياتي واحترامي

شهرزاد

شهرزاد يقول...

رازي
رد واحد مش كافي على كل الكلام اللي قولته

كل ما أقرأ ردك أكثر كل ما يجيني كلام أكتر

بالنسبة لتحليلك العلمي الجيولوجي للشمس والقمر
انا أتفق معاك تماما
ولكننا كبشر لا ننظر للأمور بمفهمومها العلمي العقلاني
ننظر إليها بمفهوم المشاعر اكثر
الإنسان بطبيعته ميال إلى العاطفة وليس إلى العقل

فنحن ننظر إلى جمال القمر وسكونه قبل أن ننظر لطبيعته الجيولوجيه أي أنه مجرد صخور جافة جامدة ليس فيها حياة ..

مرة اخرى شكرا جزيلا لك
ودمت صديقا مبدعا
تحياتي

شهرزاد يقول...

بهاء
شكرا جزيلا على مرورك وتفاعلك
أسعدني الرد
ومن الواضح ان صاحبة القصة لم تجد
الحب الحقيقي مع ذلك الرجل
فحبها الحقيقي قد ضاع منها
ولكن كما قال رازي
كان يجب عليها أن تحكم على ذلك الرجل بعقلها
فهو من الممكن ان يكون فرصة تمدها بالحب والعطف
حتى لو لم تبادله هي المشاعر

تحياتي لك
شهرزاد

Razi Soliman يقول...

شهرزاد
الموضوع دا بجد من الموضيع اللى ماتخلصش فى مره واحده
وانا بجد متفق معاكى فى كل كلامك ومش مختلف ولا مش عايز اقنعك بكلامى عشان شايف انه الصح لاء بالعكس
بس فى كام حاجه انا عايز اعلق عليها
اولا انا مش متعاطف مع الشخص اللى فى القصه بالعكس تماما انا متعاطف مع صاحبة القصه لانى خايف لتخسر حد مايتعوضش ويكفى ان فيه ميزة نادره دلوقتى انه مستعد ينسى كل ماضيها
وارجع وقول كلامك صح فى انها مالقيتش فيه الحبيب اللى يلمس ويحرك قلبها ومشاعرها

بس فى كام نقطه عايز اعلق عليهم
===============================

لكنها لا تستطيع التواصل والتعمق معه في العلاقة فهي تخشى أن تصيبها ضربة شمس
===================================
ممكن تتجنب ضرة الشمس دى بشمسيه وانتى شوفى نفسك عايشه كام سنه على كوكب الارض وكل يوم بتتعرضى لاشعة الشمس كام مره اختى ضربة شمس
الانسان ممكن يخلى عيوب حبيبه مميزات ودا كله يرجع الى زكائه فى التعامل معاه.........,
================================
لكنها وجدت شعاع نورالقمر يمتد ليخترق قلبها
ويمدها بالحب والعطف والسكينة

=====
البطيخ والخيار بس اللى بينمو على ضوء القمر
واحنا بشر لازم نتعرض للشمس عشان الكالسيوم يزيد عندنا وممكن تسالى دكتور اطفال عن المعلومه دى.....,
=================================
وصحيح انه لا يشع بكامل نوره طوال أيام الشهر
ولكنها أحبته لأنه يغيب فترة فيمتلأ فلبها بالشوق عند غيابه
وعندما يعود تعود إليه بلهفة العاشق المشتاق

========================
الاشتياق للحبيب من اعلى درجات الحب
بس لما يكون الاشتياق دا اضطرارى مش دايم ومايبقاش مدة غيابه اطول من حضوره
ومافيش اى كائن مش الانسان بس بيبقى عايز حبيبه يغيب عنه كدا بستمرار اعرف واحد عندنا فى البلد كان معاه حصان وفرسه باع الحصانه الحصان مات مقدرش يستحمل البعد الانسان بيبقى عايز اللى يعيش معاه دايما ويحس بيه مش يغيب عنه
وفى مثل قالوه الى قبلنا
"كتر البعد بيعلم الجفاء"...,
===============================
بعد كل اللى قولتهولك دا
اتمنى من صاحبة القصة انها تلاقى بشر زيها يحبها وتحبه وكل واحد فيهم يلاقى الشىء اللى بيدور عليه فى قلب التانى ولو البشر دا بعد عنها يخدها معاه مش يسبها وحدها تتحمل البعد والمشقه والسهر

اسف على الاطالة
الى اقرب لقاء
ازى

Razi Soliman يقول...

فى حاجه نسيتها
الدنيا مش قوالب
بمعنى ان مش اى حاجه تنطبق على شىء يبقى يمشى على كل الاشياء او شىء اخر
يعنى لما دارون قال ان فى كائنات كان اصلها كائنات اصغر من الكائنات الاصليه كان كلامه صح بس لما قال ان الانسان اصله قرد فكان كلامه غلط
لان الدنيا مش قالب واحد
وماينفعش نخلى الانسان زى القمر او الشمس
اى نعم فى تشابه بس من عظمة الله فى خلقه ان كل خلق مختلف عن التانى

دمتى بحب

نور الدين (محمد الجيزاوى) يقول...

اولا أهلا بكم
...........
يعجبنى جدا المواضيع التى يتشارك فيها المدونون بالاراء فى عالمنا الذى لا تحدد ملامحه اصابع الحزب الديمقراطى ولا قانون عيب ياولد..!!
...........
ادخل فى الموضوع شوف عزيزى رازى الشمس اكبر واهم من القمر الاف المرات
ولكن اسألك سؤال ؟؟
هل الاشياء الاكبر هى الاهم دائما ايهما اهم لمصر نهر النيل ذاك العجوز المتهالك ام البحر الجارف بدون الاول تموت مصر وبدون الثانى بالكتير مش هانصيف ...
ومع ذلك الشمس تسطع كل يوم واقصى ما تستطيعه مع البحر هو ان تبخر جزءا لا يلبث ان يتنزله دموعا من عين السماء
........
أما القمر فرغم رقة ضؤه الا انه يحدث المد وانت جيولوجى وتعلم معنى المد انه يمكن أن يغرق البرية فى ليلة واحدة
.........
شئ اخر اننا نغمض اعيننا من الشمس بينما لا نقاوم انبهارنا بروعة القمر
........
اما موضوع القصة فانى ارى انه لا يجب على صاحبتها ان تبحث عن الحب لانه اذا لم يكن موجودا فبكل بساطة لن تحصل عليه ابدا لانه فقط غير موجود
واذا كان موجودا فلن تستطيع ان تهرب منه
..........ز
فلا تدخلى فى تجربة لان الحب غزوة كاسحة وليس مناوشات مترددة
.....
وطبعا سورى للاطالة وابقوا زورونا
..........
نور الدين محمود

Unknown يقول...

طب وبعدين
لو رفضت ده هتعمل ايه في غيره

والله اللي بيفكر كتير في الوقت الحالي في مشاكله اعصابه بتتعب
وبيتعقد

طبعا اكيد انتي حاسه بمشكلتها اكتر لكن اكيد هترتبط

هو الحب الاول بيعلم انا عارفه لكن ربنا يوفقها
تصدقي صعبت عليا
انا نفسي اعرف حبيبها الاول عشان اكلمه ميسيبهاش
ههههههههه


تحياتي

Razi Soliman يقول...

بعد اذنك يا شهرزاد
الاخ نور الدين
كلامك صحيح ومظبوط وبجد عشرة على عشرة بس لما انك وصفتنى بالجيولوجى فاحب واضحلك حاجه
===================
نهر النيل ذاك العجوز المتهالك ام البحر الجارف بدون الاول تموت مصر وبدون الثانى بالكتير مش هانصيف ...
===================================
اولا ما هو الشىء المتهالك هو الشىء اللى قدم وتلف من كتر الاستعمال
مافيش نهر على الارض متهالك لان مية النهر متجدده فازاى هايبقى متهالك
والانهار نوعين شاب وعجوز الشاب على شكل vوالعجوز على شكل uيعنى ايه النهار دا قابل للزيادة والاتساع يبقى شاب مش قابل يبقى عجوز ونهر النيل اكثر نهر شاب على سطح الارض ولولا السدود والحواجز والكرنيش كان زمانه وصل حدود ليبيا
يبقى ازاى متهالك
بخصوص البحر مش كل الناس بيتصيف والمصيف مش شىء ضرورى انا بقالى 3 سنين ماصيفتش
==================================
شئ اخر اننا نغمض اعيننا من الشمس بينما لا نقاوم انبهارنا بروعة القمر
==================================
انت نسيت ان فى حاجه اسمها نضارة شمسيه وكمان من غير النضاره فى حاجه اسمها ساعة الغروب وهى كل يوم يعنى اكتر من جمال القمر اللى بنشوفوا كل شهر ومتنساش ان ضوء القمر الحميل دا مصدرة الشمس المنعكسة علية
================================
اياك تزعل من كلامى ولا تفهم لهجتى دى انى بتخانق معاك
بالعكس انت حد جميل واسلوب ونقاشك اجمل ويا ريت تقبلنى صديق ليك
الى اقرب لقاء
رازى

شهرزاد يقول...

رازي
من الظاهر أن الجدال بيننا ليس له نهاية
وذلك لأن كلا منا يتكلم بلغة تختلف عن لغة الشخص الآخر
فانت تتكلم بلغة العقل والعلم
وأنا أتكلم بلغة القلب والعاطفة
ولكن ما علينا

وأريدك ان تقتنع بان صاحبة القصة
جاهلة تماما بعلم الجيولوجيا
وعندما شبهت حبيبها للقمر فقط من منطلق حبها للقمر وحبها لجماله ورقته
وليس شيئا آخر فحبها القديم كان بالنسبة لها كل شيء الشمس والقمر والنجوم
وهي لم تجد الحب مع زميلها.. فهو لم يلمس قلبها ولم يحرك مشاعرها..
بما معناه أريدك ان تنظر فيما وراء المعاني..
وأن لا تأخذ كلمة القمر وكلمة النجوم
بحرفيتها..
أريدك أن تنظر إلى القمر
كرمز للجمال والحب والرومانسية..
وهذا ما قصدته صاحبة القصة يا سيدي
ليس اكثر

تحياتي لك
وشكرا على ردودك المتفاعلة
شهرزاد

شهرزاد يقول...

اما موضوع القصة فانى ارى انه لا يجب على صاحبتها ان تبحث عن الحب لانه اذا لم يكن موجودا فبكل بساطة لن تحصل عليه ابدا لانه فقط غير موجود
واذا كان موجودا فلن تستطيع ان تهرب منه
..........

نور الدين
أهلا بك.. شرفت المدونة بزيارتك الأولى
وشكرا لدخولك في النقاش وردك الجميل
وأقول لك ان صاحبة القصة لم تجد الحب مع زميلها لذلك كانت ردة فعلها عفوية وواضحة
هي لم تجد فيه غير الصديق..
ذلك كان من الصعب عليها أن تبادله أي نوع من المشاعر

تحياتي لك شكري واحترامي
شهرزاد

شهرزاد يقول...

طب وبعدين
لو رفضت ده هتعمل ايه في غيره
................

برقش أهلا أهلا
عامل ايه في الامتحانات؟ ربنا يوفقك
شكرا على كلماتك الجميلة كلها رقة وخفة دم..

وبالنسبة لصاحبة القصة هي أكيد مش هترفض غيره لو انه حرك فيها مشاعرها او حست تجاهه بالحب .. ولن ترفض اي شخص يحرك مشاعرها .. فهي اكيد ستنسى الماضي وستفتح قلبها من جديد..

تحياتي

PrInCeSS BeRy يقول...

اولا مدونتك رومنسية كتير وانا حبتها لانك اسمك راندا لانو على اسم اختى الله يرحمها العمر الطويل ليكى


والقصة تحفة وبجد سردك رائع

شهرزاد يقول...

bery
اهلا نورت المدونة
أنا اسمي شهرزاد
رندا هي صديقتي الجميلة
وده عنوان مدونتها
http://wwwzozacom.blogspot.com
تحياتي لكي
وشكرا للزيارة
وآسفة على سوء الفهم
شهرزاد

GOLDEN B0Y يقول...

قصه جميله ورمانسيه اكتر يا قمر

تقبلى تحياتى :
ROONEY

Razi Soliman يقول...

شاهى

========
وبالنسبة لصاحبة القصة هي أكيد مش هترفض غيره لو انه حرك فيها مشاعرها او حست تجاهه بالحب .. ولن ترفض اي شخص يحرك مشاعرها .. فهي اكيد ستنسى الماضي وستفتح قلبها من جديد..

==============================

الكلام دا مش محتاج اى رد عليه ولا اى تعليق لان دا كلام جمع المنطق والعقل والعلم والعاطفه
وانا معاكى ان صاحبة القصه هى تقصد فى مجمل كلامها كنايه عن جمال القمر المبدع وطبيعته الخلابة اللى مافيش اى قلب يقدر يقاومها وليست تقصد جيولوجيته
احنا بشر قبل مانكون علماء ولنا الظاهر بس

دامتى بحب انتى وصاحبة القصة
الى اقرب لقاء
رازى

Razi Soliman يقول...

شاهى

النقاش معاكى جميل جدا جدا وكل ماجى اعلق عندك الاقى لسه عندى كلام عايز اقوله

بطريقتك دى خليتينى اهتم وادخل كل يوم على المدونه وانا من النوع الكسول حبتينى بس طريقة حوارك تشد وشدتنى انى ادخل على مدونتك كل ما افتح مدونتى

لاحظت حاجه
انى فيه تشابه كبير بيناوتفال مثال بسيط انا بحب الافلام الاجتماعيه والموسيقة الهاديه اوى
وكمان بالرغم من اختلاف كلامنا وآراءنا لكن فى النهاية بيقى الكلام واحد
انا جات فى دماغى فكرة لو عايزه نعملها انا موافق وهابقى سعيد اوى
نعمل مدونه مشتركه بينك وبينى ونعمل فيها نفس اللى اتعمل فى الموضوع دا نخلى النقاش فيها مفتوح
هابقى سعيد اوى لو عملنا كدا
لو موافقه انا هابقى جاهز ولو مش موافقه فدا راى عادى
الى اقرب لقاء
رازى

شهرزاد يقول...

ROONEY
أهلا بك
شكرا لزيارتك الاولى
اتمنى تشرفني دائما
تحياتي
شهرزاد

شهرزاد يقول...

رازي
شكرا على الاقتراح
بس الحقيقة أنا مشغولة جدا
وما اقدرش ألحق على مدونتين
آسفة با رازي
تحياتي

Desert cat يقول...

اسلوبك فى الكتابة شيق ورائع انا شايفه انها تستفتى قلبها وعقلها مش قلبها لوحده بس تخلى قلبها هو الحكم الاكبر
تحياتى

رئـــــيسـة حزب الأحلام يقول...

انا رايى اللى نسانا ننساة ومانعلقش نفسنا بحد سابنا
لابد من الوقفة من القلب
اسلوبك جميل فى السرد والقصه واقعيه جدا
وتحياتى لكى

الربان يقول...

تحياتي

اري انها قد فعلت خيرا...تصرفت كما ينبغي...

مازالت تحس بالجرح داخلها...و اي استجابة لاي مؤثر خارجي ( طلب الزواج)
قد يكون له عواقب وخيمة فيما بعد..

الافضل ان تتريث حتي تنتهي تماما من الاثار السلبية لما كان...


تحياتي و تقديري

شهرزاد يقول...

قطة الصحراء
شكرا على زيارتك الجميلة
اتمنى تشرفيني دائما
ورأيك جميل جدا وأكيد القلب هيسبق العقل بس لازم نحكم الاثنين مع بعض

..............

سلوى
أهلا بك.. وشكرا على رأيك الجميل
وأكيد صاحبة القصة هتاخد بنصيحتك
وتنسى الماضي
تحياتي يا قمر

...............

شكرا سيدي الربان على هذا الرأي السديد
واتمنى أن اسمع رأيك دائما

تحياتي لك وشكري واحترامي

شهرزاد

PrInCeSS BeRy يقول...

ازيك يا شهرزاد ميس يو انا اسفة على سوء الفهم انا لخبطتكوا معايا بس انتوا الاتنين عثل ومدونتك رقيقة اوى تسلمى

Maha Shahen يقول...

لو كان قمرها غايب ومش هيرجع أظن وقتها لازم تقبل بالنجوم
يمكن القمر فريد من نوعه والنجوم كتيره بالسما
لكن نجم ينور ظلمة طريقى احسن من الجلوس في الليل بأنتظار قمر عمره ما هيهل
تحياتى ليكى ودايما متألقه ومبدعه

شهرزاد يقول...

بيري
أهلا ايتها الأميرة
نورتي ولا يمهك يا قمر
المهم اني كسبت صديقة جميلة زيك
دمت بود

.........

نور شاهين
أهلا بزيارتك.. نورتي المدونة
وشكرا على تعليقك ورأيك الجميل
وكلامك صح
بس ممكن صاحبة القصة بتدور
على نجم أكثر لمعانا

تحياتي

شهرزاد

wael يقول...

قصه حلوه جدا وابهرتني جملة النهايه
فكيف لمن يعشق القمر ان يرى النجوم
تقبلي مروري

صحفية روشة يقول...

النهاردة عيد ميلادى تعالو على مدونتى وسمعونى احلى هابى بيرث داى تو يووووووووو